Isai Oku id Ginawo Nu (who am i in your heart)

Hozou: Isai oku id Ginawo Nu

Huhumozou: Hyelarry Sembeh

Tanga tuong kosodop

Nokito ku ika

Do manau panau hiti nipi ku

Maso ku moginipi

Noposik oku

Ondos ku nopo om otopot ko

Nokuro tu kosorou oku

Nokuro tu osorinipiku

Nokuro tu asaru oku

Nokuro tu kosorou nopo dia

Kologos oku nangku mupus dika

Kologos oku nangku ema do lumisi dia

Kologos oku nangku mandad dia

Nga au ku milo do lisokon iti ginawoku 

Muhang dika

Asaru ku osorou id koposianku

Do isai oku id ginawo nu

Oi koupusan

Koupusan (My lover)

Hozou: Koupusan

Huhumozou: Jo-Anna Sue Henley Rampas

Koupusan nombo ko di baino

Nombo nodi ngaih ih boros nu

Nombo nodi ngaih ih janji nu

Tuminongkiad ko mantad doho

Koupusan poilo oku dia

Onu salah ku, id piupusan to

Ikau no daa songulun id ginawoku

Pitongkiadan romitan ku mantad diya

Iya noh songulun 

Iya noh koupusan ku

iya noh id ginawoku

Iya noh kalangadan

Nga baino nolingan oku diya

Sundung do nokoruol ginawoku

Insan tadau opurimanan nuh

Kosindualan oruol id ginawoku

Kosindualan oruol id ginawo nuh

Iya noh songulun

iya noh koupusan ku

Iya noh id ginawoku

Iya noh kalangadan

Nga baino nolingan oku diya

Pagandadan (Is what im waiting for)

Hozou: Pagandadan

Huhumozou: Benn S. Bukag

Osogit oh minsusuab

Lumiga oku ninigawon

Magandad korikatan nu di amu poh noila'an

Andadonku kasasari 

Kalu nopo koulai koh

Iiti noh oh binsorou ku

Ie mamatos doh kolungguian

Pagandadn di poingharo

Iti kolunggui pomusarahan

Magandad nu Ta' korikot

Koinggolou pomurimanan

Koinsasalaa'n ie ginawoku

Gumompi doh pomusarahan 

Oimuri oinggorit kasasari

Aiso nopo kosisiwo

Toririmo id kolungguian

Nokuro (Why)

Hozou: Nokuro

Huhumozou: Hain Jasli

Nokuro baino minsosongulun ko

Haro nangku kosinduol ginawo

Romou mato lumuyung id pingas nu

Popokito do haro kaus nu

Poingkuro poh nga pogihum no ralannu

Ingga guno nu id kolungguyan

Sorohon no tadau dii abantalan

Osodu poh oh pamanahon nu

Kada pihubayaai oh ginawo nu

Do tumilombus koh do tumongob

Olingai ngawi ii nakatalib 

Toguango tadau tadau do tumuka

Ingga guno sansaganu mongirak

Nung ginawo poingopi koihadan

Sinding diti montok dika ambalut

Ii nokoumbal nosindualan

Id Tindalanon

Hozou: Id Tindalanon

Huhumozou: Mary Intiang

Di insan oh totuong

Di maso topo misanganu

Asaru toh kopiruba 

Popolombus do suang ginawo

Id tanga tindalanon mamanau toh sopidu-duo

Rombituon song kilou-kilou

Mongintong dato sopiduduo

Roun sontilib-tilib sakot songuni-uni

tilibon dilo ribut

sopi taid-taid toh sopi irak-irak toh

Hilo id Tindalanon

Janji pinikogos toh 

Ontok di hilo id tindalanon

baino nolingan nu di

Tu haro nodi sanganu nu

Hosoku Sinduo Ginavo (Hide your sadness)

Hozou: Hosoko Sinduo Ginavo

Huhumozou: Juliana Intiang

Voos nu ohungui ino pogigintong nu

kaanu zou ih do mamalati

onu suang dino ginavo nu

ada gompizo pohombusu no

ih kitimpunon kivaa oh kopupuson

aiso ih poimpasi do sogigisom

miaga nogi diau om isido

miginavo om nokopitongkizad

nga baino hivai ngaavi nakatahib
tagako idiso mantad pomuandaman nu
ada tihombuso
sinduo do ginavonu
ada pogiadai
timpu nakatahib

sundung ahaid sundung do oluo
momohiu dii nantakan haid
nga hosoko noh sonduo om tihad nu
om patatapo noh ino ginavo nu

Nokoikot no Monombuhui (The visitors have came)

Hozou: Nokoikot no Monombuhui

Huhumozou: Frederica Mojilis

Nokoikot no monombuhui

Mantad pogun do suvai

Moi ombo om tumobuhui

doiti pogun Sabah talamai

Osindak O Sabah tokou

Tuhun ngaavi ounsikou

otohuod om obikouvang

Sabah Pogun tokou puavang

Piumanai tokou kavasian diti

pokitono tokou tombohui

do ongosuai tokou doiti

Poimizo Zou (I'll just be silent)

Hozou: Poimizo Zou

Huhumozou: Rita Mojilis

Insan tadau manau panau zou

Kivaa songuhun minuot dogo

Oi Ati isai ngaan nu ka disido

Nga poimizo zou

Nokokito zou 

haid diau ka disido

Kivaa naku hansan ku doid diau

Aiso po nokito ku do miaga diau

Nga poimizo zou

Izou no kama ginovoon ka disido

Do doiti id pomogunan

Ada kasaga do suvai tuhun nga poimizo zou

Oi Ati isai ngaan nu ka disido

I Mary naku ko i Pamela

Tu aiso kaaga do vinanus nu

Nga Poimizo zou

Puun Pitongkizadaan (Stem of separation)

Hozou: Puun Pitongkizadaan

Huhumozou: Martha Ginun

Songkuo dii oh inahom upusku diau

Okon ko ma'an tomodku

do guminavo diau

Baino nokosuvai dii oh ginavonu

Minsud zou mantad diau kaa nu doid dogo

Baino kakal zou mindad 

Do sisimba nu

Om muot zou doid diau nokuo tu ingkaa

Au zou dii nakasangka do miaga diti

minonodo koh

Pu'un do pitongkizadan

Aiso nodii koinsasamod do ginavoku

Upus nu dogo baino nadadi Pogindalaat

Om baino notonu Pu'un Pitongkizadan

Iziau id kounsikaan 

izou id koiadan

Au zou poh daa nogonop

 do mupus diau

Puimonon ku poh daa hinaid

Poimpasi miampai diau

Au zou dii miho sumonsog do mupus diau

Tu kivaa nodii suvai ii ginovoon nu

Tanda Talun-alun (Road Signs/Tanda Jalan Raya)

Kalendo (The calendar/Kalendar)

Tuva-uva (Fruits/Buah-buahan)

Nokosuai ginawoku (My feeling has changed)

Hozou: Nokosuai ginawoku

Huhumozou: Felix Agus

Nung id masa maso toruhai diti

koboros oku tumongkiad dika

kada no koruol oh ginawo nu

tu iti no ralan pilionku

id pomusarahan ku nopo daa

au oku do sipogihum do suai

nga au ku nokoilo ti ginawoku

tu suminimbar idi pama

nokotongkiad oku dika toruhai

iri noh nokousuai ginawoku

otopot no kanto oh boros do tulun

sodu id mato sodu nogi id ginawo

tunudonku ohopod tunturu ku

mokiampun oku kumaa dika

mimang yoku noh matu nakasala

apatut no katagadannu

Odoi Sayang

Hozou: Odoi Sayang

Huhumozou: Greg

Odoi sayang

turos nu do linumis 

pintong intong ku maso id karamaian

muhot oku daa isai ngaran nu

poilo oku daa nung aiso sanganu nu

milo oku nangku mintutun dika

mitutun tutun kito popolombus piombolutan

om oilaan ku rumosi koh kumaa doho 

nga kada korosi kano hiti id toningku

nung koboros oku do muhang dika 

onuai oku simba it aiso sanganu nu 

romito noh daa ti boros tupus ku

muhang oku dika it au ogina gina

Tionon (Where people live/Tempat tinggal)

Suni Ngaavi Kiguno (Useful Plant and Trees)

Tazam Onini om Tongotombozungus (small animals and insects)

Boros nu di tohuri noh (Your last words)

Hozou: Boros nu di tohuri Noh

Huhumozou: Ben Simon Bukag

Nasangkap ti ngingis ku

Nakakap noh mato nu

papagamut ti tupus ku diya

om lansan id ginawoku

tupusku diti au milo iduon

soira nakagaru

nokuro soira sopinsodu

au orongou tangon nu 

mongimbulai ngawi ti tuhot ku

om langadon oku diya

au ku di asaga doh momolihu nutahak nu doho

nokuro nokoguli om asaga koh

momoromuk ti lisihku

noutus ti tupusku om noluyud rasam di tinahaknu

norubat pagandadanku

soira iti

kolumbuson do piginawaan di nowonsoi toh

kada no da di guli

nung iti noh

boros nu di tohuri noh kumaa doho

Kandaman piginawaan

Hozou: Kandaman Piginawaan

Huhumozou: Clare Petrus Edwin

Ada kaus ada ponondos

kivaa pihi ku do suvai

tinomod ku inumaha om hinumangkab diau

tu piginavaan nopo okon ih ko piboian

pasanango no ginavo nu toimoo no isidio

Koiho zou do komungkangan ku

nohodi id kokuangan

songongom no koginavaan 

kotos ku guminavo diau

au zou kapanahak diau lati do kounsikaan

tonudo om tuhuko no pihi do mohoing nu

koiho zou do nasansagan koh

monoimo disido

ih okon ko pihi nu

otihiu do ginavo ku

nopidhasa nouta ginavo nu

pohomio no kinodou dino ginavo nu

om toimoo no kointahangan diti

posunizo no koginavaan nu 

zisido nakaanu diau

kaanu kou daa kounsikaan do touvi tadau

tu au nodii notuhuk hizab di ginavo toh

hozou diti maan do kaandaman

vohit piginavaan

Bunga/Vusak (Flower)

Ginawoku kagasan (My heart is tied)

Hozou: Ginawoku Kagasan

Huhumozou: Caroline Yusuf

Otilib tobuk nawayaan dilo tongus

noukab om kokitoku turosnu

ngingis nu di tolumis

om kolihis ginawoku

soira nokoruba oku dia

Au oku daa sitongkiad diya

matoku au napasan mintong diya

igitai ti longku purimono ginawoku

oupus oku dia sogigisom

alansan oku noh daa 

hiti poh daa kasari 

pologoson noh piginawaan doh hiti kasari

pogiroto noh daa iti piupusan toh

mulong pia sopinsodu kito ngoduo

ginawoku kagasanku

au ku iduon doh mupus dia

Sopirosi-rosi (Scared)

Hozou: Sopirosi-rosi

Huhumozou: Lidah Malanjang

Hiti oku dah do magandad diya

sumodop noh dah amu koh sumomok

Hino koh nangku

Do magandad doho

Au oku rumikot

Do hiti oku poingkakat

Nokuro itih sopirosi-rosi toh

nokuro itih sopisodo-sodu toh

Mogulu oku nangku rumikot kumaa id diya

oikum oku no sumomok diya

alansan oku daa 

iya rumapou doho 

sunion to dah ginowoon toh

Ralan Tongus (The Points Of The Compass)

Karaja Putung Gata (Work as a Rubber Tapper)

Hozou: Karaja Putung Gata

Huhumozou: Stephen Masil & Dennis Primus

Iyoku diti pakaraja putung gata

au ku poduli karaja ku miagal diti 

poduli poduli tulun kampung mimboros

timpu do baino osusa kaanu karaja 

kisijil takawas nga iso ii ko manganggur 

mogot nogi id kampung pakaraja putung gata

soira kadagang gata ogumu nogi kaanu

kiwaro tusin lobi kogompi ku id ASB

au ku poduli pongirakan do sumandak 

mulong tu putung gata nga au podi mangangur

karaja putung gata mosik osuab suab poh 

nga ginawo  sanang karaja satanga tadau 

asaanang ginawo karaja ku miagal diti

Id Pagandadan (Is What I'm Waiting For)

Hozou: Id Pagandadan

Huhumozou: Fabian William

Au poh natagak

ih kalangadanku

sundung no baino au kito miiso

id tinipiku okito ku ika

mamanau sumoborong tumongkiad

Gisom no daa do baino

au poh nokosimban tupus om langad hiti ginawoku

sokira daa gumuli 

tadai di nawayaan 

au ku daa tumongkiad dika

Pinologos ku ika minibok miampai suang ginawo ku mandad 

nung insan tadau koguli koh kawagu

kada oku pologoso magandad id kotuongon 

guli no om babango koposionku

insan poh
.
.
.
Powoyoon kud tongus
Pason langad ku id dika
Simbaro oku maya 
dilo rasam

Tazam Ginompi/Odomon (Domesticated animals)

Toun Vagu Do Kadazan (The New Year for Kadazan)

Hozou: Toun Vagu Do Kadazan

Huhumozou: M.Y. Ismail

Noikot noh Tadau Kaamatan

tadau tagazo do Kadazan

mohoing anak miskin puhavang

munsikou om asanang

Kalamazan tikid toun

Tinumon akanon mountun

Hiivai ngaavi kosusaan

munsikou om asanang

Kotobian Tadau Kaamatan

iho noh gia pasonku

saavi-avi Kadazan

doid nombo nopo

Anau nopo umul

om aiso poingkuo-kuo

suvai toun suvai toun

kopisomo tokou vagu

Kotouhadan (Thank you)

Hozou: Kotouhadan

Huhumozou: Abraham & Winnie

Kusai:

Kotouhadan kumaa doid diau

oi koupusanku

Tinoimo om inambit nu

iti ginavoku

Tondu:

Om ingkaa nogi kumaa doid diau

oi koginavaanku

Inupus om ginovoo nu

Iti ginavoku

Kusai:

koiho koh songkuo ahom diti upusku

aiso kotongkizad diti ginavoku

Duuduvo:

tu iziau no sosonguhun

ginovoonku sogonop ginavoku

woh.. yeahh..

Kinotuan (Vegetable)

Bontuk (Shape)

Duvo Dimensi (Two Dimension)

Tohu Dimensi (Three Dimension)

Nung noilaanku (If only i knew it)

Hozou: Nung noilaanku

Huhumozou: Clare Petrus Edwin

Nung noilaanku

do momudut koh

au oku ih daa rumolohon dika

boros dino munung nu

oomis irad do gula

onu kaa poh lo kilau nga moi tila

nung noilaanku

do insan tadau

lumuyud ilo bawang koliangau

au oku daa tumumos

papataan do bangkala

nung oilaanku

orulun kumaa id sawa

baino ginawo kopuriman do opodi

piginawan natagak doid tanga ralan

nung noilaanku

kiwaro simpang do ralan

mompus oku id ralan pagalan

nung noilaanku orualan oku

au ku rumiton ino ponsusuau nu

au nodii agampot

janji toh misanganu

tumodo noh ambalut 

baino mamanau oku

Ika Noh Id Ginawo (Only You)

Hozou: Ika Noh id Ginawo

Huhumozou: Abraham Edwin


Haro nangku salaku kumaa dika
Tu au koh nodii rumuba doho
Haro nangku borosku
ih koruol dika
siou noh koupusan okon ko tinomod


kada noh tongkiad doho
nung haro salaku dika
mokiampun ku kopio
nung nokoruol ku dika
kada noh tongkiad doho
tu oupus oku dika
aiso suai ika noh id ginawo


haro nangku salaku
kumaa dika
tu au koh nodii mintong doho
haro nangku borosku
kosinduol dika siou noh koupusan okon ko tinomod

Warana (Colours)

Lopuan Kavavagu (A Modern Kitchen/Dapur Moden)

Tanak Kampung (Anak kampung)

Hozou: Tanak Kampung

Huhumozou: Jimmy Palikat, 2010

Yoku nopo diti, tanak do mosikin

Aiso nunu-nunu do posurungan ku

Ika tu olumis, au oku kaanu

Kapasanang dika

Yoku tanak kampung, aiso sinikulan

Kuli-kuli do touki, au kapadan dika

ika tu olumis, ogumu poh muhang

Lagi orang kaya

Ingaa kurita ku mogowit dia mimpanau

Ingaa noh walai ku usukon tongoduo 

Om lobi doh pongopung om balanja dapur

panansawo dika

Okon koh au oku orohian dika

Nga rosian oku katanud ko's osusa

Sabab noh do muhang, logoson ku dika

Id langon do wokon

Ika poimulok lagi kikolumison

Kada do sumonsog kusai irad doho

Ika tu olumis, manasal koh moti

Nga ingga noh guno

Koniab amu nodi gumuli po (Yesterday will not repeat)

Hozou: Koniab Au No Di Gumuli Po
Huhumozou: Paul Tom Imbayan

Linundus dilo Kinabalu

Rinusod di aki odu tokou

nulu do kointutunan 

Pogun tokou

Linundus nu daa oii umandak

nga natagak ko id piginawaan

Au ko nodi do mintutun do tobpinai

Iti no koihadan ginawo yaa

koniab amu nodi gumuli po

Baino di gumu tulun kaya

kosorong ngai lamin diolo

amu nodi atamaan moi ambalut

Baino di gumu tanak tuan

amu noh di moboros Kadazan

amu noh di do mangakan do lomiding

Iti noi koihadan ginawo yaa

konihab amu nodi gumuli po

Linombut dilo gumpai talun

pointoliban do sakag wagu

louson kam au kotutun do takanan

Sinapou da do bangsa tokou

nung sopirati misompuru

sasanang kam mingkakat 

om sumurut

Iti noi koihadan ginawo yaa

koniab amu nodi gumuli po