Noromuk Lansanku

Hozou: Noromuk Lansanku

Huhumozou: Ben Simon B.

Ngaran nu id ginawoku

Mumbal nodi tumalup

Soira di noilaanku

Okon koh yoho koupusan nu

Mihad pia ti ginawo

Aiso guno nobolou lisihku

Om ngawi ti tirakku

Om ngingisku baino aiso nodi

Koturu ti romouku

Soira kosorou ngawi

Batos nuh ngawi doho

Amu nodi do notopot

Sansaganku mongirak

Nga au miloh noromuk lansanku

Aiso rati ogirot

Ti tupusku do kumaa diya

Mulng pia tu nosindualan

Toririmoku momolingos

Ngarannu id ginawoku

Toririmo ku'd momolihu

Batos di noboros toh gulu

Aiso noh rati koposionku

Tolukudan ku iya 

lihuanku hiti ginawoku

Igitai Oku

Hozou: Igitai Oku

Huhumozou: Larry & Marlyne

Lumangad hiti ginawo

Soira osongulunan

Popolisok ngingisku

Soira nasangsagan

Momusorou om kakal

Poh poinsorou dia

Adalan tupusku

Do sigapus do langad nu

Ini bilin maya dilo tawan 

Om pason nu maya dilo tongus

Igitai oku

Tumangkus id rasam momoyopos tinan ku

Au ku asaga sumunsui tih ralan siso 

Modosi do atagakan tupus nu

Hiti ginawoku

Uhupai oku popogirot ti kagos hiti ginawoku

Om okito kasari soira sopinsodu

Momisiwou ti langad kuma dia

Koupusan ku

Rongoho iti sinding ginawo ku do momuala

Kakal oku poh pointoning id ginawoku

Om poingigit kasari batos ku dia

Adalaan tupus ku do sigapus do langad nu

Ino bilin nu maya dilo tawan

Om pasan nu maya dilo tongus

Igitai oku

Tumangkus id rasam momoyopos tinan ku

Au ku asaga sumunsui tih ralan siso 

Modosi do atagakan tupus nu

Hiti ginawoku

Uhupai oku popogirot ti kagos hiti ginawoku

Om okito kasari soira sopinsodu

Momisiwou ti langad kuma dia

Koupusan ku

Pisasawaan Tolidang

Hozou: Pisasawaan Tolidang 

Huhumozou: Elsie James

Pintutunan dih toruhai

Posuni linso piginawan

Mantad mato nopisonsod

Sumarabak id suang ginawo

Kusai tondu miginawo

Milangad om milisih toh

Sambayang toh doh id sawat

Selajur noh piupusan toh

Gompio toh piupusan

Suduai tapui piginawan

Iso batos pinikogos

Popiiso doh ginawo toh

Pisasawaan di tolidang 

Id kasanangan nogi koinggoritan

Nopiiso toh minamangun

Barakat Dau montok dato ngoduo

Ginawoku Nosindualan

Hozou: Ginawoku Nosindualan

Huhumozou: Elsie James

Id disan dilo rahat

Poinrikau sosongulun

Osorou ku ih pogulu

Ih maso miginawo

Ih kakal poh miupus

Sopiiigit doh longon

Sopisonsod doh turos

Palabus suang ginawo

Bobos ku dah doh poguli 

Sontob dih kalangadan

Sontob dih korohian

Miguli om miiso

Au milo insamadan

Au milo doh lingoson

Ganit id ginawoku

Kakal poh momuraha

Honggo podi baino

Natagak om natalup

Nokopotongkiad toh

Nokopisuai ralan

Aiso no pirotian

Nosiliu haun-haun

Notilib dilo tongus

Poporuol doh ginawo

Tuunizon/Musical Instruments/Alat Muzik

Koubasanan Tikid Tadau/Daily Activities/Kegiatan Harian

Pangan do tinan/Parts of the body/Anggota Badan